აბრეშუმის სახელმწიფო მუზეუმი აცხადებს სამთვიან (3 თვე) სტაჟირების პროგრამას მუზეუმის საგამოფენო, საბიბლიოთეკო, ფონდების მართვის და საგანმანათლებლო პროგრამების განყოფილებებში (ჯამში 12 ვაკანტური პოზიცია).
გამოცხადებული პოზიციების აღწერა :
- საგამოფენო მიმართულების სტაჟიორის საქმიანობა მოიცავს მუზეუმში მიმდინარე და დაგეგმილი დროებითი გამოფენების ორგანიზებაში მონაწილეობას, ჯგუფური სამუშაოების შესრულებას და ხედვების ინტერპრეტირებას.
- საბიბლიოთეკო მიმართულების სტაჟიორის საქმიანობა მოიცავს წიგნად ფონდთან ინტენსიურ მუშაობას: ინვენტარიზაციას, კლასიფიკაციას, კვლევასა და მოკლე ტექსტების თარგმნას სხვადასხვა ენაზე.
- მუზეუმის ფონდების მართვის სტაჟიორის საქმიანობა მოიცავს კოლექციების აღწერა/კატალოგიზაციას, Microsoft Office Excel-ის პროგრამაში ექსპონატების აღრიცხვასა და საკონსერვაციო - გაწმენდითი სამუშაოების შესრულებას, ასევე ექსპონატების ფოტოგადაღებას.
- საგანმანათლებლო პროგრამების მიმართულების სტაჟიორის საქმიანობა მოიცავს სხვადასხვა ასაკზე მორგებული საგანმანათლებლო პროგრამების წარმართვას, არსებული საგანმანათლებლო პროგრამების ადაპტირებასა და განხორციელებაში მონაწილეობის მიღებას, მუზეუმის განახლებული გიდტურის ჩატარებას და ვიზიტორებთან უშუალო კომუნიკაციას.
- აღნიშნული პოზიციების წარმომადგენლები გუნდური მუშაობის პრინციპების დაცვით ახორციელებენ შიდა საქმიანობის ეფექტურ წარმოებას ორგანიზაციის ხელმძღვანელობასა და მენეჯერებთან თანამშრომლობით, შიდა პროგრამულ და საორგანიზაციო საკითხებზე და ა.შ.
საგამოფენო მიმართულების სტაჟიორის პასუხისმგებლობები:
- მუზეუმის დროებითი ექსპოზიციის დაგეგმვა;
- საინსტალაციო სამუშაოების განხორციელება;
- მიმდინარე საგამოფენო პროექტებისა და აქტივობების დაგეგმვა/განხორციელება;
- გრაფიკული დიზაინისა და 3D პროგრამირების ცოდნა ჩაითვლება უპირატესობად;
საბიბლიოთეკო მიმართულების სტაჟიორის პასუხისმგებლობები:
- ბიბლიოთეკის წიგნადი ფონდის სპეციფიკის გაცნობა;
- წიგნების აღწერა/ კატალოგიზაცია;
- სპეციფიკურ საბუნებისმეტყველო ლიტერატურაში გარკვევა და სისტემატიზაცია;
- სამუზეუმო სივრცესა და საძიებო სისტემაში წიგნების თანხვედრის უზრუნველყოფა;
- საბიბლიოთეკო საქმიანობის ცოდნა ჩაითვლება უპირატესობად;
მუზეუმის ფონდების მართვის სტაჟიორის პასუხისმგებლობები:
- ექსპონატების პრევენციული კონსერვაცია ( გაწმენდა, დასუფთავება);
- ფონდში ექსპონატების აღწერა / დახარისხება;
- ექსპონატების ფოტო გადაღება და ინფორმაციის შეყვანა Excel პროგრამაში;
- კოლექციების შედარება/დაზუსტების პროცესში ჩართვა;
- საგანმანათლებლო პროგრამების მიმართულების სტაჟიორის პასუხისმგებლობები:
- არსებულ საგანმანათლებლო პროგრამებთან სწრაფი ადაპტაცია;
- გიდტურისა და პროგრამის ჩატარება გამართული მეტყველებით;
- ახალი საგანმანათლებლო პროგრამების დაგეგმვა/ შემუშავებაში ჩართულობა;
- არსებული პროგრამების ადაპტირებაში მონაწილეობა;
- ბავშვებთან მუშაობის გამოცდილება ჩაითვლება უპირატესობად.
გამოცდილება/კვალიფიკაცია:
- სამუზეუმო საქმით დაინტერესებული ნებისმიერი პირი: სტუდენტი, ბაკალავრი, მაგისტრანტი ან კურსდამთავრებული.
- ინგლისური ენის ცოდნა საკომუნიკაციო დონეზე ( სხვა ენების ცოდნა ჩაითვლება უპირატესობად)
- Microsoft Office -ის სრულყოფილი ცოდნა (გრაფიკული დიზაინისა და 3D პროგრამირების ცოდნა ჩაითვლება უპირატესობად).
- ზოგადი უნარ - ჩვევები : პუნქტუალური, შემოქმედებითი, მოტივირებული, კომუნიკაბელური, გუნდურად მომუშავე და მაღალი პასუხისმგებლობის მქონე.
- სტაჟირება არაანაზღაურებადია და გაიცემა სერტიფიკატი. ასევე დასრულების შემდეგ შერჩეული კანდიდატები დასაქმდებიან მუზეუმში სხვადასხვა პოზიციაზე სამუშაოდ.
აუცილებელია მიუთითოთ თქვენს მიერ შერჩეული მიმართულების დასახელება. დავუკავშირდებით მხოლოდ მოთხოვნის შესაბამისად შერჩეულ კანდიდატებს.
დაინტერესებულმა პირებმა გამოაგზავნეთ რეზიუმე ფოტოსურათით (CV) და სამოტივაციო წერილი 2025 წლის 25 მარტამდე ელექტრონულ მისამართზე: silkmuseumprograms@gmail.com
დაინტერესებულმა პირებმა გამოაგზავნეთ რეზიუმე ფოტოსურათით (CV) და სამოტივაციო წერილი 2025 წლის 25 მარტამდე ელექტრონულ მისამართზე: silkmuseumprograms@gmail.com