UPS-ის და UPS SCS-ის ავტორიზებული კონტრაქტორი საქართველოში, შპს „მერიდიან ექსპრესი“ აცხადებს ვაკანსიას მთავარი ბუღალტერის პოზიციაზე.

ძირითადი ფუნქციები და მოვალეობები:

• საქართველოს კანონმდებლობის და ბუღალტრული აღრიცხვის საერთაშორისო სტანდარტების შესაბამისად, საბუღალტრო-ფინანსური აღრიცხვის უზრუნველყოფა (რეალიზაციის, ხარჯების, სალაროს, ბანკის და სხვა შეაბამისი ოპერაციები).
• მიმდინარე ბუღალტრული გატარებების მონიტორინგი და პროცესის სრულყოფა.
• სალაროს ნაშთების კონტროლი.
• კომპანიის ფინანსური მდგომარეობის შესახებ რეპორტების მომზადება.
• საგადასახადო დეკლარაციების სწორად მომზადების  უზრუნველყოფა გადასახადების გადახდის უზრუნველყოფა და დეკლარაციების შემოსავლების სამსახურში გადაგზავნა.
• ყოველთვიური ანგარიშის, საქართველოს საპენსიო ფონდში წარდგენა.
• სტატისტიკის რეპორტების მომზადება და შესაბამის სახელმწიფო ორგანოებში წარდგენა.
• თანამშრომლების ხელფასების, ბონუსების საპენსიო შენატანების და სადაზღვევო პრემიების დაანგარიშება, გადასახადების გადახდა, გადარიცხვების უზრუნველყოფა.
• საბანკო გადარიცხვების მომზადება
• კომპანიის საგადასახადო და ფინანსურ აღრიცხვასთან დაკავშირებული საკითხების სწორად გადაწყვეტაში მონაწილეობის მიღება.
• ყველა საბალანსო მუხლის სისწორის კონტროლი;
• კომპანიის მიერ გასაფორმებელი ხელშეკრულების საგადასახადო კუთხით შეფასება და შესაბამისი მითითების გაცემა.  
• კომპანიის საგადასახადო რისკების მინიმიზაციის უზრუნველყოფა
• საგადასახადო შემოწმების შემთხვევაში კომპანიის ინტერესების დაცვა.

საკვალიფიკაციო მოთხოვნები:

• უმაღლესი განათლება, ბაკალავრიატი (ფინანსები/ბუღალტრული აღრიცხვის) განხრით.
• მინიმუმ 3 წლიანი სამუშაო გამოცდილება.
• კომპიუტერული-საოფისე პროგრამების მაღალ დონეზე ცოდნა: MS Excell, MS Word, MS Power Point, MS Outlook.
• საგადასახადო კანონმდებლობის ძირითადი პრინციპების ცოდნა და საგადასახადო კოდექსის
• საბუღალტრო პროგრამა „ბალანსში“ ან 1C-ში მუშაობის გამოცდილება, ჩაითვლება უპირატესობად;
• ფინანსური ანგარიშგების საერთაშორისო სტანდარტების ცოდნა( IFRS)
• პროფესიული კვალიფიკაცია - ACCA ჩაითვლება უპირატესობად
• ქართული, ინგლისური და რუსული ენის სრულყოფილად ფლობა (წერილობითი/ზეპირი);

უნარ–ჩვევები:

• პასუხისმგებლობის მაღალი გრძნობა;
• პუნქტუალურობა;
• სამუშაოს დაგეგმვისა და ორგანიზების უნარი;
• დროის მართვის უნარი;
• ინდივიდუალური და გუნდური მუშაობის უნარი;
• სტრესული სიტუაციების გაწონასწორებულად მართვის უნარი;
• შედეგებზე ორიენტირებული.

კანდიდატთა შერჩევა:

კანდიდატები შერჩევის პროცედურა მოიცავს სამ ეტაპს:

• კანდიდატთა შერჩევა მათგან მიღებული რეზიუმეების საფუძველზე;
• დაკავშირება;
• გასაუბრება,
• ანაზღაურებადი გამოსაცდელი ვადით დასაქმება.

სამუშაო განრიგი:

სრული, კვირაში 5 დღე 10:00-დან 18:30-მდე

შაბათი: 10:00-დან 1:00-მდე

შესვენება - 1 საათი

კონკურსში მონაწილეობის მისაღებად, დაინტერესებულმა კანდიდატებმა გთხოვთ გამოაგზავნოთ რეზიუმე (CV) შემდეგი ელ. ფოსტის მისამართზე: ana@mexge.com.  გთხოვთ, ელფოსტის სათაურის ველში (subject) მიუთითოთ “ვაკანსია - ბუღალტერი-სახელი, გვარი“.