ახალი უმაღლესი სასწავლებელი-ნიუუნი აცხადებს ღია კონკურსს კომპიუტერული მეცნიერებების ქართულენოვან/ინგლისურენოვან საბაკალავრო პროგრამაზე აკადემიური თანამდებობების დასაკავებლად, შემდეგი სწავლის სფეროებისა და რაოდენობების შესაბამისად:
- პროფესორი - 4 საშტატო ერთეული;
- ასოცირებული პროფესორი - 6 საშტატო ერთეული;
- ასისტენტ პროფესორი - 4 საშტატო ერთეული;
- ასისტენტი - 2 საშტატო ერთეული;
პროფესორის თანამდებობაზე 5 (ხუთი) წლის ვადით შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო - პედაგოგიური მუშაობის არანაკლებ 6 (ექვსი) წლის გამოცდილება;
ასოცირებული პროფესორის თანამდებობაზე 4 (ოთხი) წლის ვადით შეიძლება არჩეულ იქნეს დოქტორის აკადემიური ან მასთან გათანაბრებული ხარისხის მქონე პირი, რომელსაც აქვს სამეცნიერო - პედაგოგიური მუშაობის არანაკლებ 3 (სამი) წლის გამოცდილება;
ასისტენტ-პროფესორის თანამდებობაზე 4 (ოთხი) წლის ვადით შეიძლება არჩეულ იქნეს დოქტორის აკადემიური ან მასთან გათანაბრებული ხარისხის მქონე პირი 4 (ოთხი) წლის ვადით;
ასისტენტის თანამდებობაზე 4 (ოთხი) წლის ვადით შეიძლება არჩეულ იქნეს დოქტორანტი 4 (ოთხი) წლის ვადით.
კომპიუტერული მეცნიერებების ქართულენოვან/ინგლისურენოვან საბაკალავრო პროგრამის ფარგლებში კვალიფიკაცია დასტურდება შესაბამის დარგში დოქტორის აკადემიური ან მასთან გათანაბრებული სამეცნიერო ხარისხით, პროფესიული გამოცდილებით, სპეციალური მომზადებით ან/და პუბლიკაციებით.
კონკურსის ვადები:
- საკონკურსო საბუთების მიღება: 28.10.2024 – 01.11.2024;
- კონკურსის I ეტაპი – საკონკურსო საბუთების განხილვა – შერჩევა: 04.11.2024 – 05.11.2024;
- კონკურსის I ეტაპის შედეგების გამოცხადება/კონკურსანტებისათვის გაცნობა: 06.11.2024;
- კონკურსის II ეტაპი – საკონკურსო კომისიასთან გასაუბრება/სილაბუსის პრეზენტაცია; საჯარო ლექციის (ინგლისურენოვან პროგრამაზე ინგლისურ ენაზე) წაკითხვა; სწავლების და/ან კვლევის კონცეფციის წარდგენა (აუცილებლობის შემთხვევაში): 07.11.2024 - 08.11.2024;
- კონკურსში გამარჯვებულთა აკადემიურ თანამდებობებზე დანიშვნის შესახებ ბრძა¬ნების გამო¬ცემა: 11.11.2024;
- კონკურსის საბოლოო შედეგების საჯაროდ გამოცხადება: არაუგვიანეს 12.11.2024;
- კონკურსში გამარჯვებულ კონკურსანტებთან შრომითი ხელშეკრულებების გაფორმება: შედეგების გამოცხადებიდან 3 კვირის ვადაში.
კანდიდატმა უნდა წარმოადგინოს:
- განცხადება საკონკურსო კომისიის სახელზე (დადგენილი ფორმის მიხედვით);
- პირადობის მოწმობის ასლი;
- აკადემიური ხარისხის დამადასტურებელი დოკუმენტ(ებ)ის ასლი;
- უცხოეთში მიღებული განათლების (აკადემიური კვალიფიკაციის ან სწავლის პერიოდში უმაღლესი საგანმანათლებლო პროგრამის ფარგლებში მიღებული განათლების) აღიარების დოკუმენტი, გაცემული კანონმდებლობით დადგენილი წესით, ასეთის არსებობის შემთხვევაში;
- სამსახურებრივი გამოცდილების ამსახველი, შესაბამისი სამეცნიერო-პედაგოგიური გამოცდილების დამადასტურებელი დოკუმენტი (ცნობა, შრომის წიგნაკის ასლი და სხვ.);
- გამოქვეყნებული შრომების სია ბოლო 5 წლის განმავლობაში (უპირატესობა მიენიჭება Scopus-ის ჟურნალებში გამოქვეყნებული პუბლიკაციების ავტორებს);
- ავტობიოგრაფია CV;
- 1 ფოტო-სურათი 3X4-ზე;
- შესაბამისი სასწავლო კურსის (ქართულენოვანი/ინგლისურენოვანი) სილაბუს(ებ)ი;
- ცნობა სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ.
უპირატესობა მიენიჭება კონკურსანტს, რომელიც, გამარჯვების შემთხვევაში ახალი უმაღლესი სასწავლებელი - ნიუუნისთან გააფორმებს აფილირების ხელშეკრულებას;
საკონკურსო დოკუმენტების მიღება იწარმოებს ახალი უმაღლესი სასწავლებელი - ნიუუნის საქმისწარმოების სამსახურში. სამუშაო დღეები: ორშაბათი-პარასკევი, 11:00 სთ–დან 17:00 სთ–მდე. (მისამართი: თბილისი, ჭყონდიდელის N56) ან ელექტრონულად: info@newuni.edu.ge; კანდიდატებს კონკურსის შედეგები ეცნობება ელექტრონული ფოსტის მეშვეობით და გამოქვეყნდება ვებ-გვერდზე www.newuni.edu.ge კონკურსის შედეგების გასაჩივრება შესაძლებელია სასწავლებლის შიდა რეგულაციებისა და საქართველოს კანონმდებლობის საფუძველზე.
გთხოვთ, საგნის დასახელების ველში მიუთითოთ შესაბამისი აკადემიური თანამდებობისა და სწავლის სფეროს სახელწოდება.
ნიუუნი გისურვებთ წარმატებებს!
ტელ: +995 599 05 71 66; +995 32 269 00 70